16 Lo mek-17 year lo rul blo Pekah son blo Remaliah, Ahaz+ son blo King Jotham blo Judah hem kamap king. 2 Ahaz hem 20 years old taem hem kamap king, and hem rul lo Jerusalem for 16 years. Hem no duim samting wea stret lo eye blo Jehovah, God blo hem, no olsem grandadi blo hem David bin duim.+ 3 Bat hem gohed wakabaot followim wei blo olketa king blo Israel,+ and tu, hem sakrifaesim son blo hem lo fire,*+ followim rabis wei blo olketa nara nation+ wea Jehovah bin raosem olketa from olketa Israelite.