• Isaiah 2:4
    Niu World Transleison blo Holy Scripture

    •  4 Hem bae givim judgment midolwan olketa nation

      And stretem evri samting for helpem staka pipol.

      Olketa bae hamarem sword blo olketa for kamap olketa hou

      And spia blo olketa for kamap olketa naef for pruning.+

      Nation bae no iusim sword for againstim nara nation,

      Olketa bae no enitaem lanem moa hao for faet.+

  • Ezekiel 39:9
    Niu World Transleison blo Holy Scripture

    • 9 Pipol wea stap lo olketa taon lo Israel bae go aot and iusim olketa weapon for laetem fire, olsem olketa buckler,* and olketa big shield, olketa bow and olketa arrow, olketa stik* for faet and olketa spia. And for sevenfala year bae olketa iusim olketa samting hia for laetem fire.+

  • Zechariah 9:10
    Niu World Transleison blo Holy Scripture

    • 10 Mi bae distroem datfala war chariot from Ephraim

      And datfala horse from Jerusalem.

      Datfala bow for faet bae hem no stap moa.

      And hem bae talemaot peace lo olketa nation.+

      Hem bae rul start lo sea lo wansaed go kasem sea lo narasaed

      And start from datfala River* go kasem evri farawe ples lo earth.+