• Leviticus 26:5, 6
    Niu World Transleison blo Holy Scripture

    • 5 Iufala bae separatem wheat from skin blo hem gogo kasem taem for harvestim grape, and iufala bae harvestim grape gogo kasem taem for plantim kaikai. And iufala bae kaikaim bred gogo iufala satisfae and iufala bae stap gud lo land blo iufala.+ 6 Mi bae mekem iufala garem peace lo datfala land,+ and iufala bae leidaon and no eniwan bae mekem iufala fraet.+ Mi bae ronem olketa wild animal from datfala land, and no eniwan bae againstim iufala witim sword lo land blo iufala.

  • Micah 4:3, 4
    Niu World Transleison blo Holy Scripture

    •  3 Hem bae givim judgment midolwan staka pipol+

      And stretem evri samting for helpem olketa maeti nation wea stap farawe.

      Olketa bae hamarem sword blo olketa for kamap olketa hou

      And spia blo olketa for kamap olketa naef for pruning.+

      Nation bae no iusim sword for againstim nara nation,

      Olketa bae no enitaem lanem moa hao for faet.+

       4 Olketa bae sidaon,* each wan andanit lo vine blo grape blo hem and andanit lo fig tree blo hem,+

      And no eniwan bae mekem olketa fraet,+

      Bikos Jehovah, komanda blo olketa army,* hem talem diswan finis.