29 Bat Jehu hem no lusim olketa sin wea Jeroboam, son blo Nebat bin duim, wea datwan mekem olketa lo Israel for duim sin. Hem no distroem tufala young gold buluka wea stap lo Bethel and lo Dan.+ 30 So Jehovah sei lo Jehu: “Bikos iu duim gud samting and iu duim wanem hem stret lo eye blo mi, taem iu duim evri samting followim tingting blo mi for duim lo famili blo Ahab,+ fofala genereson blo olketa son blo iu bae sidaon lo throne for king ovarem Israel.”+ 31 Bat Jehu no barava followim Law blo Jehovah, God blo Israel lo full heart blo hem.+ Hem no lusim olketa sin wea Jeroboam bin duim, wea datwan mekem olketa lo Israel for duim sin.+