• 2 Kings 17:19, 20
    Niu World Transleison blo Holy Scripture

    • 19 Bat olketa blo Judah tu no obeyim komandment blo God blo olketa Jehovah,+ olketa tu wakabaot followim wei blo olketa lo Israel.+ 20 Jehovah rejectim evriwan lo laen blo Israel and hem mek shame lo olketa and hem givim olketa go lo hand blo pipol for kam spoelem olketa, gogo hem aotem olketa nao from datfala land.

  • Ezekiel 23:30, 31
    Niu World Transleison blo Holy Scripture

    • 30 Olketa bae duim olketa samting hia lo iu, bikos iu aftarem olketa nation olsem wanfala prostitute,+ and bikos iu mekem iuseleva kamap dirty witim olketa barava rabis idol blo olketa.+ 31 Iu followim sem wei blo sista blo iu,+ and bae mi putim kap blo hem lo hand blo iu.’+

  • Amos 2:4, 5
    Niu World Transleison blo Holy Scripture

    •  4 Diswan nao wanem Jehovah talem,

      ‘From Judah bighed* thrifala taem+ and fofala taem, mi bae no changem wat mi disaedem finis,

      Bikos olketa rejectim law* blo Jehovah,

      And bikos olketa no followim olketa rul blo hem.+

      Bat sem laea samting wea olketa grandadi blo olketa bilivim nao leadim olketa for go difren.+

       5 So mi bae sendem wanfala fire lo Judah,

      And bae hem bonem olketa strongfala taoa blo Jerusalem.’+