Wastaoa ONLINE LIBRARY

Wastaoa ONLINE LIBRARY

Solomon Islands Pidgin

Joel 2:1

Niu World Transleison blo Holy Scripture
- 2 “Blowim horn lo Zion!+
  
  Singaot big for faet lo holy maunten blo mi.
  
  Letem evri pipol wea stap lo datfala land* olketa seksek from olketa fraet,
  Bikos day blo Jehovah hem kakam nao!+ Hem klosap nao!

Zephaniah 1:7

Niu World Transleison blo Holy Scripture
- 7 Iufala kwaet front lo Sovereign Lord Jehovah bikos day blo Jehovah hem klosap.+
  
  Jehovah hem preparem wanfala sakrifaes. Hem mek holy lo olketa wea hem invaetem.

Zephaniah 1:14

Niu World Transleison blo Holy Scripture
- 14 Bigfala day blo Jehovah hem klosap nao!+
  
  Hem klosap and hem kam kwiktaem tumas!+
  
  Saond blo datfala day blo Jehovah bae hem here nogud tumas.+
  
  Nomata olketa warrior bae krae big.+

Zephaniah 2:2

Niu World Transleison blo Holy Scripture
- 2 Bifor datfala disison hem kamap,
  Bifor datfala day hem go pas olsem skin blo grain wea wind blowim go,
  Bifor bigfala kros blo Jehovah hem kasem iufala,+
  Bifor day blo kros blo Jehovah hem kasem iufala,

2 Peter 3:10

Niu World Transleison blo Holy Scripture
- 10 Bat, day blo Jehovah*+ bae kam olsem man for steal,+ wea skae bae finis+ kwiktaem witim wanfala big noes, and olketa samting lo skae and lo earth bae melt bikos olketa barava hot tumas, and earth and olketa samting wea olketa man duim lo hem bae showaot.+

Revelation 6:16, 17

Niu World Transleison blo Holy Scripture
- 16 And olketa gohed for sei lo olketa maunten and lo olketa bigfala ston: “Foldaon kam antap lo mifala+ and haedem mifala from datfala Man wea sidaon lo throne+ and from kros blo datfala Lamb,+ 17 bikos bigfala day blo kros blo tufala hem kam nao,+ and hu nao fit for standap?”+