• Isaiah 62:8, 9
    Niu World Transleison blo Holy Scripture

    •  8 Jehovah mekem wanfala promis* witim raet hand blo hem, witim strong arm blo hem, and sei:

      “Mi bae no givim moa grain olsem kaikai for olketa enemy blo iu,

      And olketa foreigner tu bae no drinkim niu wine blo iu, wea iu waka hard for hem.+

       9 Bat olketa wea hipimap kam grain bae kaikaim and olketa bae praisem Jehovah.

      And olketa wea tekem kam wine bae drinkim datwan insaed olketa holy courtyard blo mi.”+

  • Amos 9:13
    Niu World Transleison blo Holy Scripture

    • 13 ‘Lukim! Taem bae kam,’ diswan nao wanem Jehovah talem,

      ‘Taem man for houm graon hem hou gogo hem ovam nao man wea gohed for harvest,

      And man wea stepim olketa grape hem ovam nao man wea plantim seed.+

      And swit wine bae flow kam daon followim olketa maunten,+

      And wine bae staka narawe* lo evri hill.+

  • Malachi 3:10
    Niu World Transleison blo Holy Scripture

    • 10 Tekem kam evri tithe* lo stoahaos,+ mekem kaikai stap lo haos blo mi.+ And plis, traem mi lo diswan,” hem nao wanem Jehovah, komanda blo olketa army, hem talem, “and iufala bae lukim dat mi bae openem olketa gate blo wata lo skae+ and pourim* blessing lo iufala go kasem taem no eniwan bae short lo eni samting.”+