-
Ezekiel 35:10, 11Niu World Transleison blo Holy Scripture
-
-
10 “Bikos iufala tok olsem, ‘Tufala nation hia and tufala land hia bae hem blo mi, and mifala bae tekem tufala evriwan for mifala onam,’+ nomata Jehovah stap lo there, 11 ‘so mi promis lo laef blo miseleva,’ hem nao wanem Sovereign Lord Jehovah talem, ‘Mi bae treatim iufala semsem olsem hao iufala kros lo olketa and iufala jealous lo olketa from iufala heitim olketa.+ And midolwan lo olketa mi bae mekem olketa for savve lo mi taem mi judgem iufala.
-
-
Zephaniah 2:8, 9Niu World Transleison blo Holy Scripture
-
-
8 “Mi herem finis praod toktok blo Moab+ and olketa nogud toktok blo olketa Ammonite,+
Wea tok spoelem pipol blo mi and tokplas and sei bae olketa tekova lo territory blo olketa.+
9 So mi promis lo laef blo miseleva,” diswan nao samting wea Jehovah, komanda blo olketa army, wea hem God blo Israel, hem talem,
“Moab bae kamap olsem Sodom,+
And olketa Ammonite bae olsem Gomorrah,+
Wanfala ples wea garem staka nettle plant, wanfala pool solt, and wanfala land wea stap nating for olowe.+
Pipol blo mi wea stap yet bae attakim olketa,
Smol sekson blo nation blo mi wea stap yet bae aotem olketa from there.
-