• Ezekiel 25:15-17
    Niu World Transleison blo Holy Scripture

    • 15 “Diswan nao wanem Sovereign Lord Jehovah hem talem: ‘Bikos lo wei blo olketa Philistine for gohed mek trabol, olketa evritaem laek for distroe and lukaotem wei for pei bak.+ 16 So diswan nao wanem Sovereign Lord Jehovah hem talem: “Mi bae stretem hand blo mi againstim olketa Philistine,+ and mi bae finisim olketa Cherethite,+ and bae distroem pipol wea stap lo olketa ples lo saedsea.+ 17 Mi bae givim strong panis for pei bak lo olketa witim bigfala kros blo mi, and bae olketa mas savve dat mi nao Jehovah taem mi pei bak lo olketa.”’”

  • Amos 1:9, 10
    Niu World Transleison blo Holy Scripture

    •  9 Diswan nao wanem Jehovah hem talem,

      ‘From Tyre bighed* thrifala taem+ and fofala taem, mi bae no changem wat mi disaedem finis,

      Bikos olketa tekem evri pipol wea prisoner and givim olketa lo Edom,

      And bikos olketa no rememberim agreement wea olketa mekem witim olketa brata blo olketa lo bifor.+

      10 So mi bae sendem wanfala fire lo wall blo Tyre,

      And bae hem bonem olketa strongfala taoa blo hem.’+

  • Zechariah 9:1, 2
    Niu World Transleison blo Holy Scripture

    • 9 Wanfala strong message:

      “Toktok blo Jehovah hem againstim land lo Hadrach,

      And Damascus hem main target* blo hem+

      Bikos eye blo Jehovah hem lukim evri pipol lo earth+

      And evri tribe blo Israel

       2 And hem againstim tu Hamath,+ wea hem border blo hem,

      And againstim Tyre+ and Sidon,+ bikos olketa wise fogud.+