12 Then Jephthah sendem olketa messenger go lo king blo olketa Ammonite+ and sei: “Wanem nao iu garem againstim mi dastawe iu kam for tekem land blo mi?” 13 So king blo olketa Ammonite sei lo olketa messenger blo Jephthah: “Hem bikos olketa blo Israel tekem land blo mi taem olketa kamaot from Egypt,+ start lo Arnon+ go kasem Jabbok and go kasem Jordan River.+ So givim bak kwaet nomoa datfala land.”

49 Diswan nao wanem Jehovah talem for olketa Ammonite:+

“Hao, Israel no garem olketa son?

Hao, hem no garem pikinini wea bae inheritim evri samting blo hem?

Why nao Malcam+ tekova lo Gad?+

And why nao pipol blo hem stap lo olketa taon blo Israel?”