• Exodus 34:6, 7
    Niu World Transleison blo Holy Scripture

    • 6 Jehovah go pas front lo Moses and sei: “Jehovah, Jehovah, hem God wea garem bigfala mercy,+ hem tingim* man,+ hem no savve kros kwiktaem,+ loyal love* blo hem big tumas,+ hem talem tru samting* evritaem,+ 7 hem showim loyal love lo staka thousand pipol,+ hem forgivim olketa wea duim mistek, rong samting, and sin,+ bat hem bae no letem wicked man for misstim panis,+ and panis for sin blo dadi bae kasem olketa son and olketa granson, and mek-thri genereson and mek-fo genereson.”+

  • Isaiah 1:18
    Niu World Transleison blo Holy Scripture

    • 18 Jehovah hem sei: “Iufala kam and iumi stretem olketa samting between iumi.+

      Nomata olketa sin blo iufala hem olsem braet red kala,

      Olketa bae kamap white olsem snow.+

      Nomata olketa barava red olsem dark red kaleko,

      Olketa bae kamap white olsem wool.

  • Jeremiah 50:20
    Niu World Transleison blo Holy Scripture

    • 20 “Lo datfala taem,” hem nao wanem Jehovah talem,

      “Olketa bae lukaotem samting wea Israel guilty lo hem,

      Bat olketa bae no faendem,

      And olketa bae no faendem eni rong samting wea Judah duim,

      Bikos mi bae forgivim olketa wea mi letem olketa for laef.”+