• Isaiah 1:23
    Niu World Transleison blo Holy Scripture

    • 23 Olketa leader blo iufala bighed and fren witim pipol for steal.+

      Evriwan lo olketa hapi for tekem bribe and aftarem olketa present.+

      Olketa no showimaot justice lo pikinini wea no garem dadi,*

      And no enitaem olketa herem kot case blo olketa widow woman.+

  • Ezekiel 22:12
    Niu World Transleison blo Holy Scripture

    • 12 Pipol wea stap lo iu acceptim bribe for killim man dae.+ Iu askem interest+ or profit for kaon wea iu givim, and iu ravem olketa neiba blo iu for tekem selen blo olketa.+ Tru nao, iu barava forgetim mi nao,’ hem nao wanem Sovereign Lord Jehovah talem.