18 Bat iufala mas stap klia from evri samting wea iufala shud distroem,+ mekem iufala no kavetem and tekem olketa samting hia wea shud distroe,+ nogud iufala mekem trabol kasem camp wea datwan bae mekem camp blo Israel for kamap samting wea bae distroe.+ 19 Bat evri silver and gold and olketa samting wea olketa wakem lo copper and iron, hem olketa holy samting for Jehovah.+ Iufala shud putim lo ples for keepim olketa riches blo Jehovah.”+

17 Lo end blo 70 years, Jehovah bae tingim bak Tyre, and Tyre bae go bak for olketa haerem* hem, and for olsem jury woman for durong witim evri kingdom wea stap evriwea lo earth. 18 Bat profit wea hem tekem and pei hem kasem from olketa haerem hem, bae kamap samting holy for Jehovah. Bae olketa no keepim or putim stap, bikos payment wea hem kasem bae hem for pipol blo Jehovah, mekem olketa savve iusim for kaikai lo hem gogo olketa satisfae, and for werem olketa naes kaleko.+