• Isaiah 61:7
    Niu World Transleison blo Holy Scripture

    •  7 Iufala bae no shame moa, bat bae olketa dabolem share blo iufala,

      Pipol bae no mek shame lo olketa moa, bat bae olketa singaot from olketa hapi lo share wea olketa kasem.

      Yes, share wea olketa kasem lo land blo olketa bae hem dabol.+

      Hapi wea olketa kasem bae hem for olowe.+

  • Jeremiah 30:10
    Niu World Transleison blo Holy Scripture

    • 10 “And iu, servant blo mi Jacob, iu mas no fraet,” hem nao wanem Jehovah talem,

      “And iu mas no seksek, O Israel.+

      Bikos mi bae sevem iu from ples wea farawe

      And olketa pikinini blo iu from land wea olketa prisoner lo hem.+

      Jacob bae kam bak and hem bae stap gud and garem peace,

      And no eniwan bae mekem olketa fraet.”+

  • Jeremiah 33:9
    Niu World Transleison blo Holy Scripture

    • 9 Disfala taon bae mekem mi hapi taem mi herem nem blo hem. Hem bae mekem evri nation lo earth wea herem evri gud samting wea mi duim for pipol blo mi+ for praisem and givim honor lo mi, and hem bae samting wea luk naes tumas front lo olketa. And olketa bae fraet and seksek+ bikos lo evri gud samting and peace wea mi bae givim lo hem.’”+