• Ezra 6:14, 15
    Niu World Transleison blo Holy Scripture

    • 14 And olketa elder blo olketa Jew gohed for build and waka hia hem gohed gud+ bikos Haggai,+ datfala profet, and Zechariah,+ granson blo Iddo, gohed for talem profesi wea encouragem olketa. Olketa completim datfala waka for build followim order blo God blo Israel,+ and followim order wea Cyrus,+ Darius,+ and King Artaxerxes+ blo Persia talem lo olketa. 15 Olketa completim datfala haos lo mek-thri day blo month blo Adar,* lo mek-six year wea King Darius hem rul.

  • Isaiah 44:28
    Niu World Transleison blo Holy Scripture

    • 28 Mi nao Man wea sei olsem abaotem Cyrus,+ ‘Hem nao shepherd blo mi.

      And hem bae barava duim evri samting wea mi laekem.’+

      Mi nao Man wea sei olsem abaotem Jerusalem, ‘Bae olketa buildim bak hem moa,’

      And sei olsem abaotem datfala temple, ‘Bae olketa leim faondeson blo iu.’”+

  • Haggai 1:14
    Niu World Transleison blo Holy Scripture

    • 14 So Jehovah muvim heart*+ blo Zerubbabel, son blo Shealtiel wea hem governor blo Judah,+ and heart blo Joshua+ wea hem hae priest, son blo Jehozadak, and heart blo evri pipol. And olketa kam and start for wakem haos blo Jehovah, komanda blo olketa army, God blo olketa.+