• Isaiah 49:19, 20
    Niu World Transleison blo Holy Scripture

    • 19 Nomata olketa ples blo iu hem distroe and stap emti and land blo iu hem nogud finis,+

      Hem bae kamap smol tumas for olketa wea stap lo there,+

      And olketa wea swallom iu daon,+ bae farawe from iu.+

      20 Olketa son wea born taem iu sorre for pikinini blo iu wea dae, bae iu herem olketa sei,

      ‘Disfala ples hem smol tumas for mi.

      Mekem big spes lo hia for mi stap lo hem.’+

  • Isaiah 54:1, 2
    Niu World Transleison blo Holy Scripture

    • 54 Jehovah hem sei: “Singaot witim hapi, iu woman wea no savve garem pikinini, wea no bin bornem pikinini!+

      Iu hapi and singaot from iu hapi,+ iu wea no enitaem feelim pain for bornem pikinini,+

      Bikos olketa son* blo woman wea hasband lusim hem, olketa staka

      Winim olketa son blo woman wea garem hasband.”*+

       2 “Mekem ples for tent blo iu stap lo hem for garem big spes.+

      Openem big olketa kaleko lo bigfala tabernacle blo iu.

      No hol bak for mekem olketa rope lo tent blo iu for long go moa,

      And mekem olketa tent pin blo iu for strong.+