16 “Diswan nao wanem Jehovah hem talem, ‘Mi bae mekem trabol for kasem disfala ples and pipol wea stap lo hem, followim evri toktok wea stap lo datfala buk wea king blo Judah hem readim.+ 17 Bikos olketa lusim mi and olketa mekem smoke blo olketa sakrifaes go lo olketa nara god+ for mekem mi feel nogud lo evri samting wea olketa wakem,+ kros blo mi bae bonem disfala ples and hem bae olsem fire wea no eniwan fit for stopem.’”+

5 Bat olketa no laek for lisin or openem ear blo olketa for tane bak from wicked samting wea olketa duim for offerim olketa sakrifaes lo olketa nara god.+ 6 So mi pourim bigfala kros blo mi and hem olsem fire wea bonem olketa taon lo Judah and olketa street lo Jerusalem, and olketa distroe and stap nating kam kasem distaem.’+