• Isaiah 58:5
    Niu World Transleison blo Holy Scripture

    •  5 Waswe, fasting wea mi laekem hem shud olsem,

      Wanfala day for samwan mekem hemseleva* safa,

      For daonem hed blo hem olsem tol grass wea bend,

      For leidaon antap kaleko for sorre and olketa asis?

      Hao, datwan nao iu sei hem fasting, and wanfala day for mekem Jehovah hapi?

  • Luke 18:11, 12
    Niu World Transleison blo Holy Scripture

    • 11 Datfala Pharisee hem standap and start for prea seleva olsem, ‘O God, mi thankiu tumas lo iu bikos mi no olsem olketa nara pipol, wea demandim selen, duim samting wea no stret, duim adultery, and mi no olsem disfala man for tekem tax tu. 12 Mi fasting tufala taem lo week, and mi givim wan tenth blo evri samting wea mi kasem olsem Law talem.’+