37 “And tu, stop for judgem narawan mekem God no judgem iufala.+ Stop for talem dat narawan fit for kasem panis mekem God no talem iufala nao fit for kasem panis. Gohed forgivim sin blo olketa narawan, and God bae forgivim sin blo iufala tu.+

2 Dastawe nomata hu nao iu,+ iu no garem eni excuse sapos iu judgem narawan. Bikos taem iu judgem narawan iu judgem iuseleva bikos iu wea iu judgem narawan, iu tu duim olketa sem samting.+

13 Dastawe, iumi mas stop for judgem each other,+ bat traem best for no duim eniting for mekem brata blo iumi stambol or mekem hem for duim sin.+