38 Then Zadok wea hem priest, profet Nathan, Benaiah+ son blo Jehoiada, and olketa Cherethite, and olketa Pelethite+ go daon and mekem Solomon raedem mule blo King David,+ and olketa tekem hem go lo Gihon.+

40 Bihaen, evri pipol followim hem go ap, olketa pleim olketa flute and hapi narawe and noes wea olketa mekem hem big tumas gogo graon hem seksek nao.+

7 And tufala tekem kam datfala young donkey+ lo Jesus, and olketa putim kaleko blo olketa lo baksaed blo hem and Jesus sidaon antap.+ 8 And tu, staka pipol putim olketa kaleko blo olketa lo road bat olketa narawan katem olketa leaf lo saed road.+ 9 And olketa wea go firstaem lo Jesus and olketa wea kam bihaen lo hem gohed for singaot olsem: “Mifala prea, plis sevem disfala man!+ Disfala man wea kam lo nem blo Jehovah* bae kasem blessing!+ 10 Blessim datfala Kingdom wea bae kam, wea hem blo dadi blo mifala, David!+ Mifala prea lo iu wea stap hae antap, plis sevem hem!”* 11 And hem kasem Jerusalem and go insaed lo temple, and hem lukluk lo evri samting lo there, bat from hem gogo for naet, hem go lo Bethany witim twelvfala aposol blo hem.+

14 Taem Jesus faendem wanfala young donkey, hem sidaon antap,+ olsem olketa Holy Raeting talem finis, wea sei: 15 “Dota blo Zion, iu no fraet. Lukim! King blo iu hem kakam nao, hem sidaon antap lo wanfala young donkey.”+