18 “‘Iufala mas no pei bak+ and no keepim kros againstim pipol blo iufala, and iufala mas lovem narawan olsem iufala lovem iufala seleva.+ Mi nao Jehovah.

31 Mek-tu hem diswan, ‘Iufala mas lovem neiba blo iufala olsem iufala lovem iufala seleva.’+ No eni nara komandment hem important winim tufala hia.”

27 Hem ansa olsem: “‘Iufala mas lovem Jehovah,* God blo iufala witim full heart blo iufala, witim full laef* blo iufala, witim full strong blo iufala, and witim full mind blo iufala,’+ and ‘iufala mas lovem neiba blo iufala olsem iufala lovem iufala seleva.’”+

14 Bat witim evri samting hia, iufala mas werem love olsem kaleko,+ bikos hem savve barava mekem pipol for wan mind.+

8 Sapos iufala obeyim datfala law blo king followim wanem scripture talem wea sei: “Iufala mas lovem neiba blo iufala olsem iufala lovem iufala seleva,”+ iufala duim gud samting.

22 Distaem from iufala obeyim olketa tru teaching, iufala mekem laef blo iufala klin and bikos lo datwan iufala showimaot tru love for olketa brata,+ so iufala mas barava lovem iufala evriwan from heart.+