16 So John sei olsem lo olketa: “Mi baptaesim iufala lo wata, bat man wea garem paoa winim mi bae kam, and mi no fit for aotem rope lo sandol blo hem bikos mi man nating nomoa.+ Hem bae baptaesim iufala lo holy spirit and lo fire.+ 17 Hem holem nao savol blo hem for torowem wheat lo air for barava klinim ples blo hem for aotem grain from skin blo hem, and hipimap evri wheat lo stoahaos blo hem, bat hem bae bonem evri skin blo wheat go lo fire wea no eniwan savve killim dae.”