10 And Judas Iscariot, wea hem wanfala lo twelvfala aposol, hem go lo olketa chief priest for betrayim Jesus go lo olketa.+ 11 Taem olketa herem wanem Judas talem, olketa hapi tumas and promis for givim hem silver selen.+ So hem start for lukaotem raet taem for givim hem go lo olketa.

3 Then Satan iusim tingting blo Judas Iscariot, wea hem wanfala lo twelvfala aposol,+ 4 and Judas go lo olketa chief priest and olketa bigman* lo temple for story abaotem hao for betrayim Jesus go lo olketa.+ 5 Olketa hapi tumas lo diswan and agree for givim hem silver selen.+ 6 So hem agree and start for lukaotem raet taem for givim hem go lo olketa, lo taem wea no staka pipol stap.