33 Bat man wea talem olketa narawan hem no disaepol blo mi, mi tu bae talem lo Dadi blo mi lo heven+ datfala man hem no disaepol blo mi.

26 Sapos eniwan hem shame bikos lo mi and samting mi talem, Son blo man tu bae hem shame lo datfala man taem hem kam lo glory blo hem and blo Dadi blo hem and blo olketa holy angel.+

9 Bat man wea talem olketa narawan hem no disaepol blo mi, mi tu bae talem olketa angel blo God datfala man hem no disaepol blo mi.+

7 Bikos holy spirit wea God givim lo iumi hem no mekem iumi fraet,+ bat hem mekem iumi garem paoa,+ love, and garem gudfala tingting. 8 So iu mas no shame for witness abaotem Lord blo iumi,+ or abaotem mi, wea mi prisoner for hem, bat iu mas willing for safa+ for datfala gud nius, lo wei for depend lo paoa blo God.+