21 Start lo datfala taem, Jesus start for explainim lo olketa disaepol blo hem dat hem mas go lo Jerusalem and safa lo staka samting from olketa elder,* olketa chief priest, and olketa scribe.* And olketa bae killim hem dae, and lo mek-thri day hem bae laef bak.+
22 Hem lo taem wea olketa hipap lo Galilee nao Jesus sei lo olketa: “Pipol bae givim Son blo man go lo hand blo olketa enemy blo hem,+23 and bae olketa killim hem dae, and lo mek-thri day bae hem laef bak.”+ Taem olketa herem datwan olketa barava sorre tumas.
31 And tu, hem start for teachim olketa hao Son blo man mas safa lo staka samting, and olketa elder,* olketa chief priest, and olketa scribe* bae no laekem hem and bae killim hem dae,+ bat bihaen thrifala day hem bae laef bak.+
44 “Iufala lisin gud kam and tingim olketa toktok hia, bikos pipol bae givim Son blo man go lo hand blo olketa enemy blo hem.”+45 Bat olketa no minim samting wea hem talem. Bikos hem stap haed from olketa mekem olketa no minim klia, and olketa fraet for askem hem tu abaotem wat hem talem.