26 Iufala mas no olsem. Bat eniwan wea laek for kamap bigman midolwan iufala,+ hem mas kamap wakaman blo iufala.+ 27 And eniwan wea laek for first midolwan lo iufala hem mas kamap slave blo iufala.+ 28 Olsem Son blo man hem kam, no for pipol waka for helpem hem, bat for hem nao waka for helpem pipol+ and for givim laef* blo hem olsem ransom* for baem bak staka pipol.”+

43 Iufala mas no olsem. Bat eniwan wea laek for kamap bigman midolwan iufala, hem mas kamap wakaman blo iufala.+ 44 And eniwan wea laek for first midolwan lo iufala hem mas kamap slave blo evriwan. 45 Nomata Son blo man tu hem kam, no for pipol waka for helpem hem, bat for hem nao waka for helpem pipol+ and for givim laef* blo hem olsem ransom* for baem bak staka pipol.”+

8 And tu, taem hem kamap wanfala man, hem hambol and obeyim God go kasem taem hem dae,+ yes, hem dae lo wanfala post.*+ 9 Dastawe, God givim hem wanfala position wea barava hae+ and God kaen tumas for givim hem datfala nem wea winim evri nara nem,+