16 No eniwan bae soengim niu pis kaleko antap lo old kaleko wea brek. Diswan hem bikos datfala niu pis kaleko wea strong bae brek aot from datfala old kaleko, and hol lo old kaleko hia bae big go moa.+ 17 And pipol bae no putim wine wea hem niu insaed olketa old skin botol.* Sapos olketa duim olsem, datfala skin botol bae hem brek, and wine savve kapsaet, and olketa skin botol hia bae nogud nao. Bat pipol putim wine wea hem niu insaed olketa niu skin botol, mekem wine and skin botol hem stap gud.”

36 And hem storyim tu wanfala tokpiksa lo olketa: “No eniwan bae tekem wanfala niu pis kaleko and soengim antap lo wanfala old kaleko. Sapos hem duim olsem, datfala niu pis kaleko bae hem brek aot from datfala old kaleko, and tu, tufala pis kaleko hia bae no luk semsem.+ 37 And tu, man hard for putim wine wea hem niu insaed olketa old skin botol.* Sapos hem duim olsem, datfala wine wea hem niu bae mekem olketa skin botol hem brek, and wine savve kapsaet, and olketa skin botol hia bae nogud nao. 38 Bat man mas putim wine wea hem niu insaed olketa niu skin botol.