• Matthew 4:1-4
    Niu World Transleison blo Holy Scripture

    • 4 Then spirit blo God leadim Jesus go lo wilderness, and then Devil+ traem hem+ lo there. 2 Bihaen hem fasting for 40-fala day and 40-fala naet, hem hangere nao. 3 Lo taem hia nao Devil+ kam for traem hem and sei lo hem: “Sapos iu wanfala son blo God, talem olketa ston hia for kamap bred.” 4 Bat Jesus sei lo hem: “Olketa Holy Raeting talem finis: ‘Man hem mas laef, no lo bred nomoa, bat lo evri toktok wea kamaot from mouth blo Jehovah.’”*+