23 Lo datfala taem, wanfala man wea wicked spirit* stap lo hem tu insaed sinagog blo olketa, and hem singaot big olsem: 24 “Jesus datfala Nazarene,+ why nao iu mek trabol for mifala? Hao, iu kam for finisim mifala? Mi savve iu nao datfala Holy Wan blo God!”+ 25 Bat Jesus tok strong lo hem, and sei: “Iu kwaet, and kamaot from man hia!”

11 Nomata olketa wicked spirit* tu,+ lo enitaem wea olketa lukim hem, olketa savve foldaon front lo hem and olketa singaot and sei: “Iu nao Son blo God.”+ 12 Bat staka taem hem tok strong lo olketa for mas no talem lo eniwan hu nao hem.+

33 Lo sinagog hem garem wanfala man wea demon stap lo hem, and hem singaot big olsem:+ 34 “Jesus datfala Nazarene, why nao iu mek trabol for mifala?+ Hao, iu kam for finisim mifala? Mi savve iu nao datfala Holy Wan blo God.”+ 35 Bat Jesus tok strong lo hem, and sei: “Iu kwaet, and kamaot from man hia!” So bihaen datfala demon torowem man hia lo graon front lo olketa, datfala demon kamaot from hem bat hem no spoelem nomoa man hia.