21 Then hem leidaon antap boy hia thrifala taem and hem prea olsem lo Jehovah: “O Jehovah, God blo mi, plis, mekem laef* blo disfala pikinini kam bak lo hem.” 22 Jehovah herem samting wea Elijah askem,+ and laef blo datfala pikinini kam bak lo hem, and hem laef nao.+

52 Bat pipol krae and hitim chest blo olketa for showimaot olketa sorre tumas for disfala gele. So hem sei: “Iufala no krae.+ Gele hia no dae bat hem sleep nomoa.”+ 53 Taem olketa herem datwan, olketa start for laf lo hem, bikos olketa savve hem dae finis. 54 Bat Jesus holem hand blo hem and sei: “Smol gele, iu getap!”+

43 Bihaen hem talem diswan, hem singaot olsem: “Lazarus, iu kamaot!”+

40 Then Peter talem evriwan for go aotsaed,+ and hem nildaon and prea, then hem feisim go body hia and sei: “Tabitha, iu getap!” Tabitha openem eye blo hem, and taem hem lukim Peter, hem sidaon.+