-
Genesis 22:15-18Niu World Transleison blo Holy Scripture
-
-
15 And mek-tu taem angel blo Jehovah tok kam lo Abraham from heven. 16 Hem sei: “Diswan nao toktok blo Jehovah,+ ‘Mi promis lo nem blo mi dat bikos iu duim diswan and iu no hol bak for givim son blo iu, wea hem only son blo iu,+ 17 mi bae blessim iu and mi bae mekem pikinini* blo iu for staka olsem olketa star lo skae and olsem sandbis lo saedsea,+ and pikinini* blo iu bae winim olketa taon* blo olketa enemy blo hem.+ 18 And thru lo pikinini* blo iu,+ evri nation lo earth bae kasem blessing* bikos iu obeyim mi.’”+
-
-
Psalms 105:8, 9Niu World Transleison blo Holy Scripture
-
-
8 Hem tingim covenant blo hem for olowe,+
Promis wea hem mekem,* go kasem wan thousand genereson,+
9 Datfala covenant wea hem bin mekem witim Abraham,+
And promis* wea hem talem finis lo Isaac,+
-
Micah 7:20Niu World Transleison blo Holy Scripture
-
-
20 Iu bae showim dat iu faithful lo Jacob,
And showim dat iu garem loyal love for Abraham,
Olsem iu bin promis lo olketa grandadi blo mifala lo bifor kam yet.+
-
-
-