2 Then angel blo Jehovah appear lo Moses insaed lo wanfala fire wea gohed for bonem wanfala thornbush* tree.+ Taem Moses lukluk lo datwan, hem lukim fire laet lo datfala thornbush tree bat tree hia nating bone nomoa.

6 And God sei moa: “Mi nao God blo dadi blo iu, God blo Abraham,+ God blo Isaac,+ and God blo Jacob.”+ Then Moses haedem feis blo hem bikos hem fraet for luk lo datfala tru God.

31 Abaotem resurrection, hao, iufala no readim samting wea God talem lo iufala, wea sei: 32 ‘Mi nao God blo Abraham and God blo Isaac and God blo Jacob’?+ Hem nao datfala God, no blo olketa wea dae, bat blo olketa wea laef.”+ 33 Taem pipol herem datwan, olketa sapraes nao lo teaching blo hem.+

26 Bat abaotem olketa wea dae wea bae laef bak, hao, iufala no readim lo buk blo Moses, lo datfala story abaotem datfala thornbush* tree wea God sei lo Moses: ‘Mi nao God blo Abraham and God blo Isaac and God blo Jacob’?+ 27 Hem nao God, no blo olketa wea dae, bat blo olketa wea laef. Tingting blo iufala hem barava no stret.”+