27 And hem tekem wanfala kap wine. Hem prea for talem thankiu, and givim kap hia lo olketa, and sei: “Drink from kap hia, iufala evriwan,+ 28 bikos diswan hem piksarem blood blo mi+ wea hem ‘blood blo covenant,’+ wea mi bae pourimaot on behalf lo staka pipol+ for kasem forgiveness for sin blo olketa.+

23 And hem tekem wanfala kap wine. Hem prea for talem thankiu, and givim kap hia lo olketa, and evriwan lo olketa drink from kap hia.+ 24 And hem sei lo olketa: “Diswan hem piksarem ‘blood+ blo covenant,’+ wea mi bae pourimaot on behalf lo staka pipol.+

23 Samting wea mi kasem from Lord nao mi teachim lo iufala. Lo naet+ wea olketa betrayim Lord Jesus, hem tekem wanfala bred 24 and bihaen hem prea, hem brekem datfala bred and sei: “Diswan hem piksarem body blo mi,+ wea mi givim for iufala. Gohed for duim diswan for showimaot iufala rememberim mi.”+ 25 Then bihaen olketa kaikai finis, hem duim sem samting tu witim datfala kap wine.+ Hem sei: “Diswan piksarem datfala niu covenant+ wea blood blo mi hem startim.+ Gohed for duim diswan for showim iufala rememberim mi+ taem iufala drinkim diswan.”