8 So, tufala kwiktaem lusim datfala memorial tomb, nomata tufala fraet bat tufala hapi fogud, and tufala hariap go for talem diswan lo olketa disaepol blo hem.+

39 Lukim tufala hand and tufala foot blo mi, mi nao ia. Tasim mi mekem iufala lukim, bikos wanfala spirit no garem meat and olketa bone bat mi garem.” 40 Taem hem talem datwan hem showim nao tufala hand and tufala foot blo hem lo olketa. 41 Bat taem olketa still trae for bilivim samting wea olketa lukim bikos olketa sapraes and hapi fogud, Jesus hem sei lo olketa: “Hao, eni kaikai stap?”

19 Taem hem aftanun lo datfala day wea hem first day lo week, olketa disaepol stap insaed haos and lokim olketa door from olketa fraetem olketa bigman blo olketa Jew, seknomoa Jesus kam and standap lo there witim olketa and hem sei lo olketa: “Peace stap witim iufala.”+ 20 Bihaen hem talem diswan, hem showim tufala hand and saed bele blo hem lo olketa.+ Then olketa disaepol barava hapi for lukim Lord blo olketa.+