7 Bihaen olketa disaepol blo John go bak, Jesus start for story lo olketa pipol abaotem John. Hem askem olketa olsem: “Taem iufala go lo wilderness, wanem nao iufala go for lukim?+ Hao, iufala lukim wanfala tol grass wea wind hem blowim olobaot?+

10 Olketa Holy Raeting sei olsem abaotem hem: ‘Lukim! Mi bae sendem messenger blo mi go firstaem lo iu, wea hem bae redyim road firstaem for iu!’+

13 Bat datfala angel sei lo hem: “Iu no fraet Zechariah, bikos God herem prea blo iu, and waef blo iu Elizabeth bae bornem wanfala son for iu, and iu mas nemim hem John.+

17 And tu, hem bae go firstaem lo God witim sem spirit* and paoa olsem Elijah,+ for changem heart blo olketa dadi for kamap olsem heart blo olketa pikinini,+ and olketa wea no obey for olsem olketa raeteous wan wea garem wisdom, mekem olketa kamap pipol wea redi for Jehovah.”*+