27 Taem sevenfala day hia hem klosap for finis, taem olketa Jew from Asia* lukim Paul lo temple, olketa start for bihaenem crowd for kros and olketa holem hem, 28 and singaot olsem: “Olketa man blo Israel, iufala helpem mifala! Disfala man nao teachim pipol lo evri ples for againstim pipol blo iumi and Law blo iumi and disfala ples. And worse go moa hem tekem kam olketa Greek tu insaed lo temple and hem mekem disfala holy ples for no klin.”+