-
Deuteronomy 21:20, 21Niu World Transleison blo Holy Scripture
-
-
20 and sei lo olketa elder lo taon, ‘Disfala son blo mifala hem bighed and againstim mifala, and hem les for obeyim mifala. Hem man for ova tumas lo kaikai+ and man for drunk.’+ 21 Then evri man lo taon blo hem mas sutim hem dae lo ston. Iufala mas aotem nogud samting from midolwan lo iufala, and evriwan lo Israel bae herem datwan and olketa bae fraet.+
-
-
Proverbs 23:20Niu World Transleison blo Holy Scripture
-
-
20 No kamap wanfala lo olketa wea savve drinkim staka wine tumas,+
No kamap wanfala lo olketa wea kaikaim staka meat tumas,+
-
1 Peter 4:3Niu World Transleison blo Holy Scripture
-
-
3 Lo bifor iufala gohed for duim olketa samting wea pipol lo world duim,+ taem iufala nating shame for duim rong samting,* no kontrolem feeling for barava laek duim nogud samting, ova tumas for drink, join insaed olketa wild party, drunk olowe, and join insaed olketa samting wea againstim law lo wei for worshipim olketa idol.+
-
-
-