17 So sapos iumi olketa pikinini blo God, iumi nao olketa wea bae inheritim samting, yes, iumi bae inheritim samting+ wea God givim. And iumi bae inheritim datwan witim Christ. Sapos iumi safa witim hem,+ bae iumi kasem glory witim hem tu.+

5 Lo olketa genereson bifor, God no showimaot holy secret hia lo olketa man, bat distaem hem iusim holy spirit for showimaot klia datwan lo olketa holy aposol blo hem and olketa profet.+ 6 Datfala secret hem olsem: Pipol wea no Jew wea wan mind witim Christ Jesus, and thru lo datfala gud nius bae kasem inheritance witim Christ and kamap part lo datfala body,+ and kasem sem samting wea God promisim.