22 Bat frut blo spirit hem love, joy, peace, patient,* kaeness, gudness,+ faith, 23 mildness,* and wei for kontrolem seleva.+ No eni law hem againstim olketa samting hia.
12 So from God chusim iufala+ and iufala holy and hem lovem iufala, werem olsem kaleko wei for feel sorre,+ wei for kaen, wei for hambol,*+ mildness,*+ and patient.+
15 Iufala mas acceptim lo heart blo iufala Christ hem Lord blo iufala and hem holy. Iufala mas redi evritaem for explainim front lo evriwan wea askem iufala reason for hope wea iufala garem. Taem iufala duim olsem, iufala mas no raf+ and showimaot bigfala respect.+