31 “Lukim! Taem bae kam,” hem nao wanem Jehovah talem, “taem mi bae mekem wanfala niu covenant+ witim pipol blo Israel and witim pipol blo Judah.

27 And hem tekem wanfala kap wine. Hem prea for talem thankiu, and givim kap hia lo olketa, and sei: “Drink from kap hia, iufala evriwan,+ 28 bikos diswan hem piksarem blood blo mi+ wea hem ‘blood blo covenant,’+ wea mi bae pourimaot on behalf lo staka pipol+ for kasem forgiveness for sin blo olketa.+

25 Then bihaen olketa kaikai finis, hem duim sem samting tu witim datfala kap wine.+ Hem sei: “Diswan piksarem datfala niu covenant+ wea blood blo mi hem startim.+ Gohed for duim diswan for showim iufala rememberim mi+ taem iufala drinkim diswan.”

6 Bat distaem Jesus kasem wanfala nambawan waka wea winim waka blo olketa priest bifor, bikos hem tu mediator*+ blo covenant wea gud winim covenant bifor,+ wea hem base nao lo olketa promis wea barava gud winim olketa promis bifor.+

15 Dastawe, Christ nao hem mediator* blo wanfala niu covenant,+ bikos dae blo hem nao datfala ransom* wea mekem olketa kamap free+ from sin wea olketa duim taem olketa stap anda lo datfala old covenant, mekem olketa wea God chusim savve kasem datfala promis for laef olowe.+

22 Bat iufala go lo Maunt Zion+ and wanfala taon blo datfala God wea laef, Jerusalem lo heven,+ and lo staka thousand angel

24 and lo Jesus datfala mediator*+ blo wanfala niu covenant,+ and lo datfala blood wea hem splasim lelebet lo iumi, wea datwan hem winim blood blo Abel.+