5 Sapos iufala obeyim evri toktok blo mi and keepim covenant blo mi, iufala bae kamap spesol pipol blo mi* wea mi chusim from evri nara pipol+ bikos full earth hem blo mi.+ 6 Iufala bae kamap olketa priest wea rul olsem king and wanfala holy nation.’+ Olketa toktok hia nao bae iu talem lo olketa Israelite.”

6 Iufala holy pipol blo Jehovah, God blo iufala. And Jehovah, God blo iufala, hem chusim iufala for kamap pipol blo hem, spesol pipol blo hem* wea hem chusim from evri nara nation lo earth.+

15 Jehovah hem fren gud and lovem olketa grandadi blo iufala dastawe hem chusim iufala, olketa pikinini blo olketa,+ aot from evri nara nation, for kamap pipol blo hem tuday.

17 “And olketa bae kamap pipol blo mi,”+ diswan nao wanem Jehovah, komanda blo olketa army, hem talem, “lo day wea mi bae mekem olketa kamap spesol pipol blo mi.*+ Mi bae showim mercy lo olketa olsem wanfala man showim mercy lo son blo hem wea obeyim hem.+