23 So Moses liftimap walking stik blo hem lo skae, and Jehovah mekem thunder, hail, and fire* for foldaon lo earth, and Jehovah gohed for mekem hail for foldaon olsem rain lo land lo Egypt. 24 Hail hem foldaon and semtaem laetning hem strike. Datwan hem big tumas, and no enitaem lo history datwan happen lo land lo Egypt.+ 25 Datfala hail distroem evriting lo land lo Egypt, start lo man go kasem animal, and hem distroem evri plant and evri tree.+