11 O Jehovah, iu barava hae tumas,+ iu garem bigfala paoa,+ iu gud tumas, iu garem glory, and iu barava nambawan,+ bikos evri samting lo skae and lo earth hem blo iu.+ O Jehovah, kingdom hem blo iu.+ Iu nao datwan wea mekem iuseleva hae for kamap hed ovarem evri samting.

28 Bikos Jehovah nao hem king.+

Hem nao rul ovam olketa nation.

17 Diswan nao judgment wea olketa watchman talemaot,+ and samting wea olketa holy wan talemaot, mekem pipol wea laef mas savve dat Most Hae nao hem Ruler lo kingdom blo olketa man+ and hem bae givim rul lo eniwan wea hem laekem nomata lo olketa man nating tu.”

34 “Lo end blo datfala taem,+ mi, Nebuchadnezzar, luk go ap lo heven and tingting blo mi hem stret bak, and mi praisem Most Hae, and mi praisem and givim glory lo datfala God wea stap for olowe bikos rul blo hem, hem rul wea stap for olowe and kingdom blo hem stap for evri genereson.+

10 Mi herem wanfala laod voice lo skae* hem sei:

“Taem blo salvation+ and paoa and Kingdom blo God blo iumi+ and authority wea Christ blo hem kasem hem kam nao, bikos olketa torowem daon nao datfala man wea accusim olketa brata blo iumi day and naet front lo God!+