9 Nara angel, wea hem mek-thri angel kam bihaen lo olketa and singaot witim laod voice olsem: “Sapos eniwan worshipim datfala wild animal+ and datfala image blo hem, and hem kasem wanfala mark lo forhed blo hem or lo hand blo hem,+ 10 bae hem drinkim tu wine blo God, wea hem nao kros blo hem, wine hia no mix witim wata wea God kapsaetem insaed lo kap blo kros blo Hem,+ and bae hem safa from fire and sulfur*+ front lo olketa holy angel and front lo datfala Lamb.

2 Datfala first angel hem go kapsaetem dish blo hem lo earth.+ And wanfala nogud boela wea pain tumas+ hem kasem pipol wea garem mark blo datfala wild animal+ and wea worshipim datfala image blo hem.+

20 And datfala man wea sidaon lo horse hem kasholem datfala wild animal witim datfala false profet,+ wea duim olketa saen front lo datfala wild animal for trikim olketa wea kasem mark blo datfala wild animal,+ and olketa wea worshipim datfala image blo hem.+ Taem tufala still laef yet, datfala man torowem tufala insaed lo datfala lake blo fire wea sulfur* nao mekem hem gohed for laet.+