51 Lukim! Mi talem iufala wanfala holy secret: No evriwan lo iumi bae dae,* bat iumi evriwan bae change+ 52 kwiktaem nomoa, olsem taem eye hem blink, lo taem wea datfala last trumpet hem krae. Taem datfala trumpet hem krae+ and olketa wea dae bae resurrect, olketa bae garem body wea no savve rotten, and iumi bae change.

16 bikos Lord bae kam daon from heven, and hem bae singaot big witim singaot blo archangel*+ and witim trumpet blo God. Then olketa wea wan mind witim Christ wea dae finis bae olketa nao first wan for laef bak.+ 17 Bihaen, iumi wea laef yet bae go ap witim olketa lo olketa cloud+ for meetim Lord+ lo skae, and iumi bae stap witim Lord for olowe.+