28 Jesus sei lo olketa: “Mi talem iufala tru samting, lo taem wea evri samting kamap niu moa, taem Son blo man hem sidaon lo nambawan throne blo hem, iufala wea followim mi bae sidaon lo 12-fala throne and judgem 12-fala tribe blo Israel.+

28 “Bat, iufala nao nating lusim mi+ taem mi kasem hard taem.+ 29 And mi mekem wanfala covenant witim iufala, olsem Dadi blo mi tu hem mekem wanfala covenant witim mi, for wanfala Kingdom,+ 30 mekem iufala savve kaikai and drink lo tebol blo mi insaed lo Kingdom blo mi,+ and sidaon lo olketa throne+ for judgem 12-fala tribe blo Israel.+

21 Man wea win+ bae mi letem hem for sidaon witim mi lo throne blo mi,+ olsem mi tu mi win and sidaon+ witim Dadi blo mi lo throne blo hem.

4 And mi lukim olketa throne, and olketa wea sidaon lo olketa throne hia kasem authority for judgem pipol. Yes, mi lukim olketa* wea pipol killim olketa dae bikos olketa witness abaotem Jesus and preach abaotem God, and olketa wea no worshipim datfala wild animal or image blo hem, and olketa no kasem datfala mark lo forhed blo olketa and lo hand blo olketa.+ And olketa kasem nao datfala laef and kamap olketa king wea rul witim Christ+ for 1,000 year.