KWESTIN 10
Wat nao promis blo Bible for future?
“Raeteous pipol bae onam disfala earth, and bae olketa stap lo hem for olowe.”
“Earth hem stap for olowe.”
“Hem bae swallom daon dae for olowe, and Sovereign Lord, Jehovah bae draem tias from eye blo evriwan.”
“Lo datfala taem, eye blo olketa wea blind bae open, and ear blo olketa wea earpas bae herem samting. Lo datfala taem, man wea kripol bae jamp olsem deer, and tongue blo man wea no savve toktok bae singaot from hem hapi. Olketa wata bae bosta kamaot lo wilderness, and olketa stream bae ran lo flat desert.”
“Hem bae draem evri tias from eye blo olketa, and dae bae nomoa nao, krae and sorre and pain tu bae nomoa. Olketa samting wea happen bifor hem finis nao.”
“Olketa bae buildim olketa haos and stap insaed, and olketa bae plantim olketa grape planteison and kaikaim frut blo olketa. Olketa bae no buildim haos for narawan kam stap insaed, olketa bae no plantim grape planteison for olketa narawan kaikaim. Bikos laef blo pipol blo mi, bae hem olsem wanfala tree wea laef longtaem, and pipol blo mi wea mi chusim bae barava enjoyim waka wea olketa duim lo hand blo olketa.”