KWESTIN 14
Hao nao iu savve managem gud selen blo iu?
“Man wea laekem tumas for enjoyim laef nomoa bae poor. Man wea evritaem nomoa laek for drinkim wine and oil bae no rich.”
“Man wea kaon hem slave blo man wea givim kaon.”
“Hu lo iufala wea laek for wakem wanfala taoa bae hem no sidaon firstaem, and calculatem haomas selen nao hem needim, for savve sapos hem garem inaf selen for finisim datwan? Nogud hem wakem nomoa faondeson bat hem no savve finisim and pipol wea lukluk kam mekfani lo hem and sei: ‘Man hia start for wakem taoa bat hem no savve finisim datwan.’”
“Bihaen evriwan kaikai finis, Jesus sei lo olketa disaepol blo hem: ‘Hipimap olketa leftova kaikai mekem iumi no weistim eni samting.’”