“Waswe, Enitaem Evri Pipol Bae Love-im Each Other?”
Long October and November 1997, winim 300 million copy long disfala foa-page tract wea garem title “Waswe, Enitaem Evri Pipol Bae Love-im Each Other?” olketa givimaot evriwea long world long winim 100 langwis. Planti pipol tok gud abaotem disfala tract, wea wanfala nao long daon long Express-Times niuspepa bilong Easton, Pennsylvania, U.S.A.:
“Disfala tract talem samfala example abaotem way wea olketa neibor no showimaot love long narawan—and killim dae narawan tu, olsem long Bosnia-Herzegovina and Rwanda, wea olketa neibor from different tribe and religion killim dae narawan.
“Disfala tract talem hao long United States olketa olo stap seleva and no eniwan visitim olketa, and wanfala piksa showim face bilong wanfala woman wea fraet taem hem lukluk kamaot bihaen door wea garem chain.”
Branch office bilong Olketa Witness Bilong Jehovah long Slovenia kasem disfala leta from The Philosophical Literature Club Impresie: “Long saed for explainim tru teaching bilong religion, sorry tumas, Roman Catholic Church long Slovenia nao holem paoa for duim diswan. For meanim gud olketa tru teaching bilong religion, please mifala laekem iufala for sendem kam 50 copy long disfala tract wea garem title “Waswe, Enitaem Evri Pipol Bae Love-im Each Other?” Hem barava muvim mifala, no toktok insaed nomoa but olketa piksa tu.”
Sapos iu tu laek for kasem pruf wea showimaot wanfala sekson bilong pipol savvy stap long peace and wan mind, please raetem information long daon and sendem kam.
◻ Sendem kam wanfala brochure Hapi for Stap Long Earth Olawe!
◻ Please kam lukim mi for wanfala free hom Bible study.