“Mi Need for Trustim God”

Disfala leta hem stap insaed Kingdom Hall bilong Olketa Jehovah’s Witness long Edmonton, Alberta, Canada.

“Dear Messenger:

“Mi raet for thankiu for datfala man wea maet hem no savve hem duim wanfala mirakol long laef bilong mi.

“Tufala week go finis, mi and hasband bilong mi insaed wanfala big raoa. Mi just talem finis disfala toktok, ‘Diswan hem big tumas so mi no really sure sapos mi savve winim.’ Long datfala taem nomoa door bell hem ring. Wanfala Jehovah’s Witness nao long door, and hem leit for mi haed nao.

“Taem mi openem door, mind bilong mi no stap long wanem hem go ahed for talem. Mi rememberim olketa word ‘pikinini’ and ‘famili.’ Datfala man pullim aot wanfala buk wea olketa kolem Secret for Kasem Hapi Famili. Taem mi lukim datfala title, mi start for krae nao and no savve stop. Hem luk long mi, and sei sorre for disturbim mi, then hem givim mi datfala buk, and go.

“Wanem nao mirakol? Hem disfala reminder hao taem mi no savve wanem for duim, hem OK nomoa bikos God hem savve. Mi need for trustim God. Hem sendem kam messenger. Thankiu.”

Datfala buk Secret for Kasem Hapi Famili savve helpem evri member bilong famili. Samfala long olketa chapter bilong hem wea givim instruction nao hem “Protectim Famili Bilong Iu From Badfala Samting,” “Keepim Peace Insaed Famili Bilong Iu,” and “Iu Savve Winim Olketa Problem wea Savve Spoelem Famili.”

For kasem copy bilong iu, plis raetem information long daon and sendem long address wea fitim long page 5 bilong disfala magasin. Iu bae kasem idea wea savve helpem iu for stretem olketa problem and mekem famili laef hapi long wei wea Creator minim.

□ Sendem kam wanfala copy bilong datfala buk Secret for Kasem Hapi Famili.

□ Plis kam lukim mi for wanfala free hom Bible study.